如何處理Jet Lag帶來既壓力?

筆者岩岩移民去加拿大，果邊時差同香港差15個鐘。簡單嚟講，你食緊晚飯時，我suppose就訓咗。頭幾日，筆者覺得是但啦，應該遲早適應。可是，日夜顛倒的生活真係有時都幾煎熬。成晚流流長訓唔著唔知做咩好，最慘身邊人竟然訓得著！

於是乎，筆者上網睇下如何可以「解決」jet lage個個問題，其實都是不外乎叫你少飲咖啡，過咗幾點就唔好訓，廢事你夜晚又訓唔著。超！同我諗既好似都不太大出入喎🥲

筆者於是盡地一鋪，既然失眠咗成晚，索性第二日都唔好訓，咁夜晚就實得著啦。但是到咗夜晚六七點，筆者已經頂唔順訓咗陣，然後八點醒咗食晚餐，九點幾眼訓又再訓，今次好似有改善啦，經過一番的努力後，凌晨12點幾就醒咗！！

筆者開始明白到，有時唔係去「解決」一個問題，因為問題本身就不是問題，而是問題帶來的情緒困擾果下先係一個問題。所以，筆者諗，如其解決，不如「接受」，當下就無再糾纏一定要「訓得著」了。

山不轉路轉，路不轉人轉。有時侯，換一塊濾鏡看事物，就有截然不同的心境。️

寫於當地時間凌晨4點幾, 附圖是早餐圖一幅